شعر عن الاخ

ياصاحبي لا تشتكي الوقت والحال خلّ الذي في قلبك اليوم خافي ما كل حكيٍ يا أبيض القلب ينقال و لا كل عمرٍ من شقى الحال غافي رح و اشتكي للي له الكل رحال و ارفع كفوفك له ترى الله كافي و اعرف ترى كلٍ من همومها شال و لا عاد شفت اللي من الهمّ صافي ما انت الوحيد اللي شكى الوقت و الحال و ما انت الوحيد اللي له الوقت جافي اكذب عليك ان قلت لك خالي البال ياما مشيت الدّرب و النّور طافي همّي بقلبي يالخوي اتعب الحال دمعي بعيني رقص اليوم قافي انت الرّفيق الّلي بهالكون ما مال لا ضاق صدري منهم ألقاك لافي ترى غلاك اليوم ثابت و لا زال و لا عاد أبي ربع القلوب المقافي خذني يمينك وابشر بذرب الأفعال لأمشي معك لو وين كان انجرافي أقسم قسم إنك على الراس تنشال خذ من قصيدي وشوف جل اعترافي

قصيدة خلف بن دعيجا

سنٍ بدالي ذوق سكـر ولاذيــق ::: وعينٍ قزت من عقب ماهي قبالي 
وابدت علي بريطمٍ به زواريـق ::: وبمفرق القذله سـواة الهلالـي 

استغفري يابنت يام العشاشيق ::: عن قولك اني من عبيد الموالي 
حنا عبيد الرب سيد المخاليق ::: ومماجرى يابنت هذي فعالي 

انا خلف زبن العيال المشافيق ::: لياحل في تال الركايب جفالي 
يابنت حماي النضا ساعة الضيق ::: شيخ تخضع له سباع الرجالي 

حمايهن في ساعة ييـبس الريق ::: ومن دورن يلقان عندالتوالى؟!
انتم خزايزكم طوال السماحيق ::: وخزايزي شمط اللحى والعيالي ..!!